Torlu qişa damar tıxanıqlığı görmə qabiliyyətinin ani, ağrısız və qalıcı itirilməsi ilə nəticələnə bilən, korluq riski yüksək olan ciddi bir xəstəlikdir. Xəstəliyin ateroskleroz, yüksək qan təzyiqi, şəkər xəstəliyi, qan və qan-damar sistemi xəstəlikləri, kontraseptiv dərman istifadəsi kimi bir çox səbəbi vardır. Xüsusilə arteriya tıxanıqlıqları zamanı ilk 24 saat ərzində müalicə və müdaxilə vacibdir, əks halda qalıcı zədə və korluq riski çox yüksəkdir. Vena tıxanıqlıqlarının müalicəsi isə lazer və gözdaxili iynələrlə aparılır, arteriya ilə müqayisədə proqnozu daha yaxşıdır. Düzgün və vaxtında müalicə almayan xəstələrdə gözə qansızma və qlaukoma (qara su), nəticə olaraq isə korluq riski artır.
Əlaqəli xidmətRetina və diabetDiabetik retinopatiya, makula xəstəlikləri, intravitreal anti-VEGF inyeksiyaları, torlu qişa qopması.
Bu səhifədəki məlumatlar maarifləndirici xarakter daşıyır və həkim müayinəsini əvəz etmir. Diaqnoz və müalicə yalnız oftalmoloqun müayinəsindən sonra təyin olunur.
