Konyunktivit
Gözlərdə qızartı, qaşınma, sulanma və ya yapışqan ifrazat konyunktivitin göstəriciləri ola bilər. Konyunktivit gözün selikli qişasının iltihabıdır və müxtəlif səbəblərdən yarana bilər.
“Bu simptomlardan hər hansı biri sizdə müşahidə olunursa, vaxtında oftalmoloqa müraciət edin. Özbaşına göz damcılarından istifadə etməyin.”Op. Dr. Leyla Babayeva
| Növ | İfrazat | Qaşınma | Yoluxucudur? |
|---|---|---|---|
| Bakterial | İrinli, yapışqan | Yoxdur | Bəli |
| Virus | Şəffaf, sulu | Yoxdur | Bəli |
| Allergik | Şəffaf | Güclü | Xeyr |
Quru göz sindromu
Göz yaşı gözün səthini nəmləndirir, qoruyur və qidalandırır. Göz yaşı azaldıqda və ya tez buxarlandıqda quru göz sindromu yaranır.
Səbəblər
- Uzun müddət ekrana baxmaq, göz qırpmanın azalması
- Soyuq, quru və küləkli hava
- Kondisioner və isitmə cihazları
- Kontakt linzalar, yaş və bəzi dərmanlar
Əlamətlər
- Qızartı və yanma
- Gözdə qum hissi
- Paradoksal sulanma
- Gün ərzində artan bulanıqlıq
Payızda və qışda gözlər niyə daha çox quruyur?
Soyuq, quru hava gözün səthindəki nəmi tez buxarlandırır. Külək gözü daha da qurudur və göz səthinə yad hissəciklər gətirir. Qış aylarında belə günəşin ultrabənövşəyi şüalarına məruz qalırıq, ona görə günəş eynəyi bu fəsildə də vacibdir.
- Otaqda havanı nəmləndirin
- Kifayət qədər su için
- Omeqa-3 ilə zəngin qidalar: balıq, qoz-fındıq
- Süni göz yaşını həkim məsləhəti ilə istifadə edin
Göz damcılarından düzgün istifadə
Bir çoxumuz damcının üzərindəki son istifadə tarixinə güvənirik. Lakin flakon açıldıqdan sonra bu müddət dəyişir: vaxtı keçmiş damcı çirklənə və göz üçün ciddi risk yarada bilər.
- Açılış tarixini yazınFlakonun üzərinə qeyd edin və istifadə müddətini təlimatdan yoxlayın. Əksər çoxdozalı damcılar açıldıqdan sonra təxminən 4 həftə istifadə olunur.
- Əllərinizi yuyunDamcının ucunu gözə, kirpiklərə və barmaqlara toxundurmayın.
- Alt qapağı aşağı çəkinBir damcı damızdırın, gözü yumub daxili küncü 1–2 dəqiqə yüngülcə sıxın.
- Fasilə verinİki fərqli damcı arasında ən azı 5 dəqiqə gözləyin.
Quru göz və konyunktivit: bir baxışda
Əlamətlər
- Qızartı
- Qaşınma
- Sulanma
- Yapışqan ifrazat
- Yanma
Risk amilləri
- Kontakt linzalar
- Allergiya
- Uzunmüddətli ekran işi
- Soyuq və küləkli hava
Müalicə üsulları
- Səbəbə uyğun göz damcıları
- Süni göz yaşı
- Göz gigiyenası
Həkimə müraciət edin
Güclü ağrı, işığa qarşı kəskin həssaslıq, görmənin pisləşməsi və ya kontakt linza istifadəçisində gözün qızarması ciddi infeksiyanın əlaməti ola bilər.
Tez-tez verilən suallar
Göz damcısını açdıqdan sonra nə qədər istifadə etmək olar?
Açılış tarixini flakonun üzərinə yazın və müddəti təlimatdan yoxlayın. Əksər çoxdozalı damcılar açıldıqdan sonra təxminən 4 həftə istifadə olunur, vaxtı keçmiş damcını atın.
Konyunktivit yoluxucudurmu?
Bakterial və virus konyunktiviti yoluxucudur: əlləri tez-tez yuyun, ayrıca dəsmal istifadə edin. Allergik konyunktivit yoluxucu deyil.
Ekran gözə zərər verirmi?
Ekran gözü zədələmir, lakin uzun müddət baxanda göz qırpma azalır, gözlər quruyur və yorulur. 20-20-20 qaydası bu yorğunluğu azaldır.
Bu səhifədəki məlumatlar maarifləndirici xarakter daşıyır və həkim müayinəsini əvəz etmir. Diaqnoz və müalicə yalnız oftalmoloqun müayinəsindən sonra təyin olunur.
