Quru, günəşli hava, uzun müddət ultrabənövşəyi şüalara məruz qalma, həmçinin tozla daim təmas gözdə pterigium – el arasında “gözə ət gəlməsi” adlanan xəstəliyi yaradır. Pterigium gözün ağ hissəsindəki konyunktivanın qalınlaşması və buynuz qişanın üzərinə doğru irəliləyərək böyüməsidir.
Pterigium böyüdükcə gözdə batma, qızartı kimi narahatlıq verir, görmədə bulanıqlıq və astiqmatizm yaradır. Göz bəbəyini örtdükdə isə görməni tamamilə əngəlləyir.
El arasında pterigiuma “qanadvari pərdə” də deyilir. Bu, gözün səthi təbəqəsi olan konyunktivanın rəngli təbəqəni örtən şəffaf buynuz qişa üzərinə irəliləməsidir. Gün şüaları, isti və quru hava xəstəliyin aqressiv inkişafına təkan verir. Batma, qum hissiyatı, qızartı, yanma kimi əlamətlər olur. Müalicəsi cərrahidir. Autograft metodu ilə cərrahi müalicə zamanı yenidən əmələ gəlmə riski çox aşağıdır. Digər metodla isə yenidən əmələ gəlmə riski yüksəkdir.
Gün eynəyi istifadə etməklə gözünüzü bir çox xəstəliklərdən qorumuş olursunuz.
Əlaqəli xidmətPterigium və göz qapağıPterigiumun çıxarılması, xalazion və göz qapaqlarında müxtəlif cərrahi əməliyyatlar.
Bu səhifədəki məlumatlar maarifləndirici xarakter daşıyır və həkim müayinəsini əvəz etmir. Diaqnoz və müalicə yalnız oftalmoloqun müayinəsindən sonra təyin olunur.
